හෙළරට - දේශිය පුවත්

තක්කඩින්ට සසුන වනසන්න දෙන්න බැහැ – එල්ලාවල මේධානන්ද නාහිමි.

තක්කඩින්ට සසුන වනසන්න දෙන්න බැහැ.

වාරියපොල සිද්ධියේ ශ්‍රමණවේශධාරියා ගැන නිසි පරික්ෂණයක් අවශ්‍ය බව එල්ලාවල මේධානන්ද නාහිමියෝ පවසති.

ශ්‍රමණවේශධාරි ඇතැම් අයගේ තක්කඩි වැඩ නිසා සමස්ත භික්ෂු සමාජයටම හානියක් සිදුවන්නේ යැයි පුරාවිද්‍යා චක්‍රවර්තී එල්ලාවල මේධානන්ද නාහිමියෝ පවසති.


රටේ නීතියට ගිහියා හෝ පැවිද්දා වශයෙන් බේදයක් නැති බවත් වාරියපොල පොලිසියේ සිද්ධියට ශ්‍රමණවේශධාරියා වරදකරුවෙකු නම් නීතිය අකුරටම ක්‍රියාත්මක කළයුතු යැයිද මේධානන්ද නාහිමියෝ කියති.


අතීතයේදි සිංහල බෞද්ධ රජෙක්වු කණිරජානුතිස්ස රජතුමා යම්කිසි වරදකට හසුවු භික්ෂුන් 60ක් මරාදැමිමට ක්‍රියාකළ ආකාරය ඉතිහාසයේ සදහන් වෙනවා. රාජනීතියට අනුගත විමට තමයි බුදුහාමුදුරුවෝත් භික්ෂුන්ට අනුදැන වදාළේ. කාරණය කුමක් වුවත් වාරියපොල පොලිසියේදි අදාළ ශ්‍රමණවේශධාරියාගේ හැසිරිම ඉතා පිළිකුළෙන්යුක්තව හෙළා දකිනවා. එහිදි පොලිස් නිලධාරියෙකුට පහරදිමක් ගැනත් අසන්න ලැබුණා.

මේ සිද්ධින් ගැන විධිමත් පරික්ෂණයක් පවත්වා ශ්‍රමණවේශධාරියා වරදකරුවෙකු නම් නීතිය අනුව නිසි දඩුවම් දීමට පියවර ගත යුතුයි .නොයෙක් තක්කඩින්ට අවශ්‍ය විදියට චීවරයට නිගාදිමට හෝ සසුන වනසන්න ඉඩ දිය නොහැකි යැයිද එල්ලාවල මේධානන්ද නාහිමියෝ වැඩිදුරටත් කියති.

Related posts

හෙට ඇදිරි නිතිය බොරුවක්…

Helarata

Discussion: Millennials Aren’t All London Luvvies

Helarata

කිකිළියෝ අහංකාර වෙලා..

Helarata

Leave a Comment

Translate »