හෙළරට - දේශිය පුවත්

කොටි නිල ඇඳුම්, වීඩියෝ පට පුදුකුඩිඉරිප්පුවෙන් මතුවෙයි…

මුලතිව් පුදුකුඩිඉරිප්පු ප්‍රදේශයේ නිවසක ගෙවත්තේ වලදමා තිබූ එල්.ටී.ටී.ඊ. සංවිධානය විසින් භාවිතා කරන ලද නිලඇඳුම් හා වීඩියෝ පට ඇතුලු උපකරණ තොගයක් 11 දින හමුවූ බවට පුදුකුඩිඉරිප්පු පොලීසිය පැවසීය.

පුදුකුඩඉරිප්පු කයිවේලි ප්‍රදේශයේ ගෙවත්තක නිවෙස් හිමියා විසින් ඉඩම සකස් කරන අවස්ථාවේදී වලදමා තිබූ පෙට්ටියක් හමු වී ඇති අතර එහිදී එම පෙට්ටිය පිළිබඳව පුදුකුඩඉරිප්පු පොලීසියට දැනුම් දී ඇත.

පසුව පොලීසිය විසින් අදාල ස්ථානයට පැමිණ පෙට්ටිය ගෙන පරික්ෂා කිරීමේදී පෙට්ටිය තුළ තිබී එල්.ටී.ටී.ඊ. සංවිධානය විසින් භාවිතා කරන ලද නිලඇඳුම් 04 ක්, සිවිල් ඇදුම් කිහිපයක්, කොටි සංවිධානයේ හිස්වැසුම් 04ක්, වීඩියෝපට තොගයක්, එල්.ටී.ටී.ඊ. සංවිධානයේ ලියකියවිලි තොගයක් ඇතුලු උපකරණ තොගයක් හමු වී ඇත.

අවසන් යුද සමයේදී කොටි සංවිධානයේ සාමාජිකයින් විසින් මෙම නිලඇඳුම් හා උපකරණ පසු ප්‍රයෝජනය වෙනුවෙන් වලදමන්නට ඇති බවට මුලතිව් පොලීසිය සැක පල කරන අතර හමුවූ නිලඇඳුම් ඇතුලු උපකරණ තොගය මුලතිව් අධිකරණයට ඉදිරිපත් කිරීමට පියවර ගෙන ඇති බවට පරික්ෂණ සිදු කරන පුදුකුඩිඉරිප්පු පොලීසිය වැඩිදුරටත් පැවසීය.

Related posts

රුමේනියාවේ ලාංකිකයන් පහකට කොරෝනා …

Helarata

පොල් ඉන්ටර්නෙට් එකෙන්…

Helarata

ඉන්දියාවේ ආසාදිතයින් 3000 දක්වා ඉහළට

Helarata

Leave a Comment

Translate »