හෙළරට - දේශිය පුවත්

බස් ගාස්තු කාඩ් පතකින්..

ලංගම හා පුද්ගලික මගී ප්‍රවාහන බස් රථවල ගාස්තු ගෙවීම සඳහා ජූලි මස අවසානයේ සිට පෙර ගෙවුම් ගමන් කාඞ් පතක් හඳුන්වා දෙන බව ප්‍රවාහන සේවා කළමනාකරණ අමාත්‍යාංශය පවසයි.

මගී ප්‍රවාහන බස් රථවල විශාල පිරිසක් අතර මුදල් පරිහරණය සිදුවන නිසා එහිදී  කොවිඞ් 19 වෛරසය මහජනතාව අතර පැතිරීමට ඇති ඉඩකඩක් ඇති බැවින් මෙම පියවර ගන්නා බව ප්‍රවාහන සේවා කළමනාකරණ සහ විදුලිබල හා බලශක්ති අමාත්‍ය මහින්ද අමරවීර මහතා පැවසීය.

මෙම කාර්ඞ් පත ඉදිරියේදී දුම්රිය ගමනාගමනය සඳහා ද යොදා ගැනීමට අපේක්ෂා කරන බව අමාත්‍යවරයා සඳහන් කළේය.

 මෙම පෙර ගෙවුම් ගමන් කාර්ඞ් පත හඳුන්වා දීමෙන් පසුව ලංගම බස් රථ රියදුරන් හා කොන්දොස්තරවරුන්හට වැටුපට අමතරව මාසික දීමනාවක් ද ලබා දීමට පියවර ගන්නා බව කී අමාත්‍යවරයා පෞද්ගලික බස් රථවල රියදුරන්ට හා කොන්දොස්තරවරුන්ට ද එම දීමනාව ලබාදීම සම්බන්ධයෙන් එම බස්රථහිමියන් සමග සාකච්ඡා කරන ලෙස ජාතික ගමනාගමන කොමිසමේ සභාපතිවරයාට උපදෙස් දී ඇතැයි ද කීවේය.

මෙම පෙරගෙවුම් කාර්ඞ් පත සකස් කිරීමේ කටයුතු මේ වනවිට අවසන් අදියරේ පවතින බවත්, එය ජූලි මස අවසානයේදී හඳුන්වා දිය හැකි බව ජාතික ගමනාගමන කොමිසමේ සභාපති ශෂි වෙල්ගම මහතා තමාට දැනුම් දි ඇතැයි ද අමාත්‍ය මහින්ද අමරවීර මහතා පැවසීය. 

Related posts

පොඩිත්තන්ගේ පාසල අගෝස්තු 1 සිට…

Helarata

වැලිසර නාවික සෙබළුන් 30කට කොරෝනා..

Helarata

පලතුරු කෝච්චි එයි…

Helarata

Leave a Comment

Translate »