හෙළරට - විදෙස් පුවත්

චීනය උඩ ගමන් 1255ක් නවතයි…

චීනයේ බීජිං අගනුවරින් නව කොරෝනා ආසාදිත පොකුරු හමුවීමත් සමඟ පාසල් වසා දැමීමටත් ගුවන් ගමන් අවලංගු කිරීමට එරට බලධාරීහු පියවර ගත්හ.

අවසන් දින හයේදී චීනයෙන් කොරෝනා ආසාදිතයන් 137 දෙනකු හමු වී තිබෙන අතර මේ තත්ත්වය හේතුවෙන් දෙවැනි වයිරස රැල්ලක් ඇතිවීමේ අවදානමක් හටගෙන ඇත.

මේ තත්ත්වය සැලකිල්ලට ගනිමින් දැඩි පියවර ගැනීමට චීන බලධාරීහු පියවර ගත්හ. චීනය 16 දිනයේදී පමණක් ගුවන් ගමන් 1,255ක් අවලංගු කිරීමට පියවර ගත්හ.

පසුගිය සති දෙකේදී බීජිං නුවරට ගිය සියලු දෙනාට දින 14ක නිරෝධායනය අනිවාර්ය කිරීමට චීනයට අයත් පරිපාලන ප්‍රදේශයක් වන මැකාවෝ පියවර ගෙන ඇත.
ඊට අමතරව චීනයේ නගර සහ පළාත් රැසක් අගනුවර මතු වී තිබෙන තත්ත්වය සැලකිල්ලට ගනිමින් නැවත වරක් දැඩි සෞඛ්‍යාරක්ෂිත පියවර ගෙන තිබේ.
නව කොරෝනා ආසාදිතයන් වාර්තා වීමත් සමඟ චීනයේ බීජිං අගනුවර පාසල් වසා දැමීමට නගර බලධාරීහු  (16) පියවර ගත්හ.

චීනයේ බීජිං අගනුවරින් නව වයිරස ආසාදිත පොකුරු හමුවීමත් සමඟ රට තුළ දෙවැනි රැල්ලක් ඇති වීමේ අවදානමක් ද හටගෙන තිබෙන අතර මේ තත්ත්වය හේතුවෙන් බීජිං අගනුවර පාසල් වසා දමන්නැයි එම නුවර අධ්‍යාපන කොමිසම නියෝග කළේය.

බීජිං අගනුවර මිලියන 21කට ආසන්න පිරිසක් ජීවත් වෙති.

‘වීචැට්’ සමාජ මාධ්‍ය ජාලය ඔස්සේ පණිවුඩයක් නිකුත් කරමින් පාසල් වසා දමන්නැයි නියෝග කළ බීජිං අධ්‍යාපන කොමිසම බදාදා සිට අන්තර්ජාලය ඔස්සේ ඉගැන්වීම් කටයුතු ආරම්භ කරන්නැයි ද දැනුම් දුන්නේය. විශ්වවිද්‍යාලවලට සිසුන් ගෙන්වා ගැනීම තාවකාලිකව නවතා දමන්නැයි එම කොමිසම උපදෙස් දී ඇත

Related posts

ඉතාලියට ඒම යෑම ජුනි 3 සිට…

Helarata

දිල්ලියේ මීටරේ අයට ඔක්සිමීටර්…

Helarata

යළි එන්න ට්‍රම්ප් ජිංපිං ගෙන් උදව් ඉල්ලලා…

Helarata

Leave a Comment

Translate »