හෙළරට - දේශිය පුවත්

දේශීත්වය හා සංස්කෘතියේ හරය සුරකින හරවත් මධ්‍ය භාවිතාවක් අවශ්‍යයි…

ජනාධිපති කාර්යාලයේ පැවති ස්වාධීන රූපවාහිනී මාධ්‍ය ජාලයේ ප්‍රගති සමාලෝචන සාකච්ඡාවේ දී දේශීයත්වය සහ සංස්කෘතික හර පද්ධතිය සුරකින හරවත් මාධ්‍ය භාවිතයක අවශ්‍යතාව ජනාධිපති ගෝඨාභය රාජපක්ෂ මහතා අවධාරණය කළේය.

නවීන තාක්ෂණය පදනම් කොටගත් රූපවාහිනී කලාවක් වෙනුවෙන් කළ යුතු වෙනස්කම් සහ දැනුම ප්‍රවර්ධනය කෙරෙන වැඩසටහන් සම්පාදනයේ අවශ්‍යතාව පිළිබඳව ද මැතිවරණයට පෙර ජනතාවට ඉදිරිපත් කළ “සෞභග්‍යයේ දැක්ම” ප්‍රතිපත්ති ප්‍රකාශය ජනතාවගෙන් අතිමහත් බහුතරය පිළිගත් බැවින් තම ප්‍රතිපත්තිය හුවා දැක්වීම නොව තම රජය ඉටු කරමින් සිටින ප්‍රතිපත්ති ප්‍රකාශයේ සඳහන් දර්ශනය ජනතාව වෙත රැගෙන යාමේ වැදගත්කමද ජනාධිපතිවරයා තවදුරටත් පෙන්වා දුන්නේය.

විදේශීය වැඩසටහන් විකාශය සඳහා තෝරා ගැනීමේ දී අනුගමනය කළයුතු විධිමත් වැඩපිළිවෙළක අවශ්‍යතාව ද පෙන්වා දුන් අතර ස්වාධීන රූපවාහිනී මාධ්‍ය ජාලයේ වත්මන් තත්වය, ඉදිරි ක්‍රියාකාරිත්වය සහ සැලසුම් පිළිබඳව ද සමාලෝචනය කෙරිණි.
ස්වාධීන රූපවාහිනී ආයතනයේ සභාපති සුදත් රෝහණ, විධායක අධ්‍යක්ෂ හසන්ත හෙට්ටිආරච්චි, ප්‍රධාන විධායක නලින් කුමාර නිශ්ශංක යන මහත්වරු සහ අධ්‍යක්ෂ මණ්ඩල සාමාජිකයන් ඇතුළු ජ්‍යෙෂ්ඨ නිලධාරිහූ සාකච්ඡාවට එක්ව සිටියහ.

#

Related posts

කපිතාන් සමග කතබහෙන් පසු ගම්පහ රෝහල් අධ්‍යක්ෂ නිරෝධායනයට..

Helarata

උසස් පෙළ -ශිෂ්‍යත්ව තීරණය පාසල් ඇරඹිමෙන් පසු …

Helarata

විදුලි පුද්ගලික සමාගමෙන් කොවිඩ් අරමුදලට රු. මිලියන 5ක්

Helarata

Leave a Comment

Translate »