හෙළරට - දේශිය පුවත්

ජින්තුපිටියේ පවුල් 29ක 143ක් නිරෝධායනයට….

කොළඹ 13, ජින්තුපිටිය ප්‍රදේශයේ පවුල් 29 කට අයත් පුද්ගලයින් 143 දෙනෙකු නිරෝධායන කඳවුරක් වෙත යොමු කිරිමට පියවර ගෙන ඇති බව ප්‍රදේශයේ මහජන සෞඛ්‍ය පරීක්ෂකවරයා සඳහන් කර සිටි..

ජින්තුපිටිය ප්‍රදේශයෙන් වාර්තා වූ කොරෝනා ආසාදිත රෝගියාගේ නිවස පිහිටි 123 වත්ත ප්‍රදේශයේ පවුල් 29ක සාමාජිකයින් මෙලෙස නිරෝධායන කඳවුරක් වෙත යොමු කිරීමට යුධ හමුදාව සමග එක්ව කටයුතු කරන බව කොළඹ මහ නගර සභාවේ දිසා අංක 02 A සෞඛ්‍ය වෛද්‍ය නිලධාරි කාර්යාලයේ මහජන සෞඛ්‍ය පරීක්ෂකවරයා ප්‍රකාශ කර සිටියේය.

02 දිනයේදී කොරෝනා ආසාදනය වී ඇති බවට තහවුරු වුයේ ඉකුත් ජුනි මස 08 වෙනිදා ඉන්දියාවේ සිට මෙරටට පැමිණි නෞකාවල මුහුදු ආරක්ෂකයෙක් ලෙස සේවය කළ පුද්ගලයෙක් බව සෞඛ්‍ය අංශ සඳහන් කළේය.

දින 14 ක නිරෝධායන ක්‍රියාවලිය අවසන් කොට ඔහු ඉකුත් ජුනි මස 26 වෙනිදා ජින්තුපිටිය ප්‍රදේශයේ පිහිටි සිය නිවසට පැමිණ එහිදී දින 14ක නිවෙස් නිරෝධායනය ක්‍රියාවලියකට ලක්වෙමින් සිට තිබේ .

මෙම පුද්ගලයා සමග නිරෝධායන කඳවුරේ සිටි තවත් පුද්ගලයෙකුට පෙරේදා දිනයේදී කොරෝනා වෛරසය ආසාදනය වී ඇති බවට තහවුරු වී තිබේ .

එම පුද්ගලයා සමග සිටි ජින්තුපිටිය ප්‍රදේශයේ පිහිටි මෙම පුද්ගලයාගේ PCR පරීක්ෂණයක් දිනයේදී සිදුකළ බවත් එහිදී ඔහුට Covid-19 වෛරසය ආසාදනය වී ඇති බවට තහවුරු වූ බව ප්‍රදේශය භාර මහජන සෞඛ්‍ය පරීක්ෂකවරයා කියා සිටියේය.

කොරෝනා ආසාදනය වූ පුද්ගලයාගේ නිවසේ ඔහුත් සමග පවුලේ සාමාජිකයින් 11 දෙනෙකු සිටින බව මහජන සෞඛ්‍ය පරීක්ෂකවරයා වැඩිදුරටත් සඳහන් කර සිටියේය.

Related posts

පාසල් 22ක් හමුදා සෙබළුනගේ ස්වයං නිරෝධායනයට ..

Helarata

පාසල් ඇරීමට චක්‍රලේඛයක්…

Helarata

වසංගත රෝග හා විද්‍යා අංශය අද පෙ.ව. 10 ට නිකුත් කල වාර්තාව

Helarata

Leave a Comment

Translate »